Polis bu şəxsləri yaxaladı - SİYAHI

Aprelin 22-də Bərdə rayonunun Güloğlular kəndindən kənd sakini Ceyhun İbrahimov kəsilmiş-deşilmiş xəsarətlə xəstəxanaya gətirilib və orada ölüb.

AZNEWS.AZ xəbər verir ki, bu haqda məlumatı Daxili İşlər Nazirliyinin mətbuat xidməti yayıb.

Bərdə RPŞ əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş həmkəndlisi, əvvəllər məhkum olunmuş Elsevər Cəfərov tutulub.

***

Aprelin 22-də Kürdəmir rayonunun Qağacılı kəndində kənd sakini Zaur Abdurahmanov qısqanclıq zəminində həmkəndlisi Dəyanət Xəlilova bıçaqla xəsarət yetirib. Kürdəmir RPŞ əməkdaşlarının həyata keçirdikləri əməliyyat-axtarış tədbirləri nəticəsində Z.Abdurahmanov ələ keçirilib.

***

Şabran RPŞ əməkdaşlarının həyata keçirdikləri əməliyyat-axtarış tədbirləri nəticəsində aprelin 21-də Şəmsəddin Məmmədyarova məxsus fermadan 15 baş qoyun oğurlayan Bakı şəhər sakini əvvəllər məhkum olunmuş Rasim Ələsgərov tutulub.

***

Abşeron RPİ əməkdaşlarının həyata keçirdikləri əməliyyat-axtarış tədbirləri nəticəsində aprelin 20-də Murad Əkbər oğluna və Natiq Eyvazova məxsus "VAZ-2107" markalı avtomobillərdən akkumulyator oğurlayan Masazır qəsəbə sakini Taleh Kərimov ələ keçirilib.

***

Yasamal RPİ 29-cu PB əməkdaşlarının həyata keçirdikləri əməliyyat-axtarış tədbirləri nəticəsində aprelin 21-də Rəqsanə Quliyevanın 20 manatını və 2 ədəd mobil telefonunu soyğunçuluq yolu ilə alan Bakı şəhər sakini Rəşad Abdullayev tutulub.

***

Suraxanı RPİ əməkdaşlarının həyata keçirdikləri əməliyyat-axtarış tədbirləri nəticəsində aprelin 22-də 66 saylı xətt avtobusunda Bakı şəhər sakini Daxıl Nəzərovun cibindən 40 manat oğurlayan paytaxt sakini Xaliq Səmədov ələ keçirilib.

***

Səbail RPİ 9-cu PB əməkdaşlarının həyata keçirdikləri əməliyyat-axtarış tədbirləri nəticəsində ötən il dekabrın 28-də Füruzə Zülfüqarlıya məxsus içərisində 60 manatı və sənədləri olan pul kisəsini oğurlayan Yevlax rayon sakini İsa Bəkirov tutulub.

***

Yasamal RPİ 27-ci PB əməkdaşlarının həyata keçirdikləri əməliyyat-axtarış tədbirləri nəticəsində martın 22-də Orxan Qasımovun planşetini soyğunçuluq yolu ilə almış qrupun digər üzvü - Bakı şəhər sakini Rəvan Abdullayev ələ keçirilib.

***

Aprelin 21-də Səbail rayonu ərazisindən Nicat Bəşirova məxsus "Mitsubishi" markalı avtomobil qaçırılıb. Aprelin 22-də hadisəni törədən Abşeron rayon sakini Yaqub Hüseynov avtomobili sahibinə qaytarılıb. Y.Hüseynov Səbail RPİ 8-ci PB əməkdaşları tərəfindən saxlanılıb.