“Məktəbdəki silahlı insident araşdırılır” - Baş Prokurorluq

Bakı şəhər prokurorluğu 106 saylı orta məktəbdə baş vermiş insidentlə bağlı araşdırmalar aparır.


AzNews.az-ın məlumatına görə, Baş Prokurorluğun mətbuat xidmətinin rəhbəri Eldar Sultanov Trend-ə bildirib ki, noyabrın 5-də Qaradağ rayonu, Lökbatan qəsəbəsində yerləşən 106 saylı orta məktəbdə baş vermiş insidentlə bağlı Bakı şəhər prokurorluğu tərəfindən şəhər Təhsil İdarəsi ilə birlikdə araşdırmalar aparılır.

Araşdırmaların nəticəsindən asılı olaraq qanunamüvafiq qərar qəbul ediləcək.

Qeyd edək ki, həmin məktəbdə dərs zamanı şagirdlərdən biri sinif yoldaşına pnevmatik tüfəngdən atəş açmışdı.