Günəşə ən yaxın planetdə buz tapıldı

Amerikanın "Messenger" kosmik aparatı Merkuridə- Günəşə ən yaxın planetdə buz aşkarlayıb. Bu barədə məlumatı ABŞ-ın kosmik tədqiqatlar agentliyi yayıb.

Mütəxəssislər bildirib ki, buz parçası günəş şüalarının düşmədiyi yerdə aşkar edilib. Ehtimallara görə, buz parçasında müşahidə edilən bəzi maddələr planetin komet və asteroidlərlə toqquşması nəticəsində yarana bilər.

Astronomlar güman edir ki, planetin cənub hissəsində də belə buz parçaları var. Ancaq bunu təsdiqləmək hələ ki, mümkün olmayıb.

Elnarə Əlosmanqızı
AzNews.az