“Odlar Yurdu” Romada

İtaliyanın Roma şəhərində "Odlar Yurdu" sənədli filminin təqdimat mərasimi keçirilib. Sözügedən film Mədəniyyət və Turizm Nazirliyi və Azərbaycanın İtaliyadakı səfirliyinin təşkilatçılığı ilə ərsəyə gəlib.

Mədəniyyət və Turizm Nazirliyindən verilən məlumata görə, tədbirdə Azərbaycanı nazirlik rəsmisi Vaqif Əliyevin rəhbərlik etdiyi nümayəndə heyəti təmsil edib. V.Əliyev tədbirin təşkilinə görə, Azərbaycanın İtaliyadakı səfiri Vaqif Sadıqova dərin minnətdarlığını bildirib.

Qeyd edək ki, "Odlar Yurdu" sənədli filmi İtaliyalı rejissor Daniele Carminati tərəfindən çəkilib və "İtalian Multimedia Group S.r.l" tərəfindən 5 dilə tərcümə olunub. Filmin İtaliyanın dövlət televiziyası olan "RAİ 1" kanalında nümayiş olunması nəzərdə tutulur.

Bahar Rüstəmli
AzNews.az