“Yasnaya Polyana”nın qısa siyahısı elan olundu

“Yasnaya Polyana” mükafatının qısa siyahısı elan olunub.

Aznews.az-ın rus mətbuatına istinadən verdiyi xəbərə görə “Müasir rus prozası” nominasiyasında siyahıya Mariya Stepanovanın, Olqa Slavnikovanın və Aleksandr Buşkovskinin əsərləri düşüb.

Rusiya prezidentinin mədəniyyət məsələləri üzrə məsləhətçisi, mükafatın münsiflər heyətinin nümayəndəsi Vladimir Tolstoy bildirib ki, uzun siyahıda 43 müəllif olub.

Mükafat 2003-cü ildə Lev Tolstoyun ev muzeyi tərəfindən təsis edilib. Mükafat fondu 6.2 milyon tubl təşkil edir. “Müasir rus prozası” nominasiyasında qalibə 3 milyon rubl mükafat təqdim ediləcək.

Aznews.az