Odessada 1 milyon dollara Azərbaycan parkı salınacaq

Odessada Azərbaycan parkı salınacaq. Bu barədə razılıq Odessa şəhərinin meri Aleks Kostusevlə Azərbaycan Dövlət Neft Şirkətinin nümayəndələri arasında keçirilən görüşdə əldə edilib. Odessa Şəhər Şurasından verilən məlumata görə, parkın salınmasını ARDNŞ üzərinə götürüb. Azərbaycan tərəfi bunun üçün 1 milyon dollar vəsait ayırmağı planlaşdırır.

"Əgər azərbaycanlılar Odessanın bir hissəsinin gözəlləşdirmək arzularını bildirirlərsə, bu ancaq müsbət qarşılanmalıdır və bunun üçün azərbaycanlılara böyük təşəkkürlər" deyə Odessanın vitse-meri Nikolay İlçenko vurğulayıb. Məlumat üçün bildirək ki, analoji istirahat məkanları Kiyev və Xarkovda da var. Azərbaycna tərəfi park salmaqla yanaşı, həm də yaşıllaşdırma və fontanın quraşdırılması işini də öz üzərinə götürüb.

Elnarə Əlosmanqızı
AzNews.az