- Qanundan kənarda
- 19 Dekabr 2018 09:51
- 1 006
Bacısını öldürüb qaçdı - Dəhşətli cinayətin izi ilə
İndi isə cəzasının azaldılmasını istəyir...
Bacısını qısqanclıq zəminində öldürən şəxs cəzasının azaldılması üçün Ali Məhkəməyə müraciət edib
AzNews.az-ın məlumatına görə, cinayət məcəlləsinin 120.2.4-cü maddəsi ilə məhkum olunan Gülməmmədov Ruslan Rafiq oğlunun məhkəmə prosesinə hakim Tahir Kazımov sədrlik edəcək.
Xatırladaq ki, 2017-ci ilin oktyabr ayında Gəncə Ağır Cinayətlər Məhkəməsində qətl törətməkdə təqsirləndirilən Gülməmmədov Ruslan Rafiq oğlu 14 il müddətinə azadlıqdan məhrum edilib.
Qeyd edək ki, 2016-cı il iyun ayının 19-da Tovuz rayonunda, Əsrik çayının rayonun Aşağı Quşçu kəndi ərazisindən keçən hissəsində kənd sakini, 1999-cu il təvəllüdlü Günay Rafiq qızı Gülməmmədovanın meyiti aşkarlanıb.
Aparılan araşdırmalar zamanı məlum olub ki, G.Gülməmmədovanı onun qardaşı, Aşağı Quşçu kənd sakini, 1994-cu il təvəllüdlü R.Gülməmmədov bıçaqlayaraq, qətlə yetirib. Faktla bağlı R.Gülməmmədov saxlanılıb.
Onun hadisəni qısqanclıq zəminində törətdiyi məlum olub.
R.Gülməmmədov Cinayət Məcəlləsinin 120.2.4-cü (qəsdən adam öldürmə, xüsusi amansızlıqla və ya ümumi təhlükəli üsulla adam öldürmə) maddəsi ilə ittiham olunub.
Azər
AzNews.az