Onun aldatdığı şəxslər polisə şikayət ediblər və cinayət işi açılıb Onun aldatdığı şəxslər polisə şikayət ediblər və cinayət işi açılıb

Bakıda qadın professor həbs edilib

Onun aldatdığı şəxslər polisə şikayət ediblər və cinayət işi açılıb

Azərbaycanda qadın professor dələduzluq ittihamı həbs edilib.

AzNews.az oxu.az-a istinadla xəbər verir ki, Azərbaycan Dövlət Həkimləri Təkmilləşdirmə İnstitutunun Mamalıq və ginekologiya kafedrasının professoru İzzət Şamxalova bir neçə nəfərə qarşı dələduzluq etməkdə təqsirli bilinir.

İstintaq sənədlərinə əsasən, İ. Şamxalova qulluq mövqeyindən sui-istifadə edib. Belə ki, ona kömək üçün müraciət edən şəxsə elmi dərəcə almasına köməklik göstərəcəyinə dair yalan vəd verib. Bu məqsədlə həmin insanı aldadıb, ümumilikdə 16 843 manatlıq dələduzluq edib.

Professor 2014-cü ildən nazirlikdə işləməyə başlayarkən də təkrarən tamah niyyəti ilə özgənin əmlakını etibardan sui-istifadə etmə və aldatma yolu ilə ələ keçirib.

İstintaq müəyyən edib ki, ona müraciət etmiş tanışını hospitallardan birində şöbə rəisi vəzifəsinə qəbul olunmasına köməklik göstərəcəyinə dair yalan vəd verib. Bu məqsədlə həmin insana qarşı 15 000 manat dələduzluq edib. Beləcə, o, daha bir neçə nəfəri aldadıb.

Sonradan onun aldatdığı şəxslər polisə şikayət ediblər və cinayət işi açılıb.

Professor Cinayət Məcəlləsinin 178-ci (Dələduzluq) maddəsində nəzərdə tutulmuş cinayət əməlini törətməkdə təqsirli bilinib.

O, məhkəmənin hökmü ilə daha iki il müddətinə dövlət və yerli özünüidarəetmə orqanlarında rəhbər və maddi-məsul vəzifələr tutmaq hüququndan məhrum edilməklə, iki il müddətinə azadlıqdan məhrum edilib. İ. Şamxalova məhkəmə zalında həbs edilib.

Qeyd edək ki, professor 2014-cü ildən 2020-ci ilədək nazirliklərdən birində çalışıb.