"Araz Vadisi İqtisadi Zonası" Sənaye Parkının ərazisi minadan tam təmizlənib

Hazırda ərazinin hamarlanması və kipləşdirilməsi işləri davam etdirilir

Cəbrayıl rayonunda yerləşən və 200 hektar ərazini əhatə edən "Araz Vadisi İqtisadi Zonası" Sənaye Parkının ərazisi mina və partlamamış hərbi sursatlardan tam təmizlənib.

Aznews.az xəbər verir ki, Sənaye Parkının konseptual planı (Baş plan) hazırdır və yaxın günlərdə Parkın 1,5 hektarlıq hissəsində mobilizasiya şəhərciyinin salınması işlərinə başlanılması nəzərdə tutulur.

Hazırda mobilizasiya şəhərciyi yerləşəcək ərazinin hamarlanması və kipləşdirilməsi işləri davam etdirilir.