Faiq Ağayev fanatlarından danışdı: Mal yiyəsinə oxşayar - VİDEO

"Mənim fanatlarım da özüm kimi kübardır”.

ARB TV-nin “Show news” proqramının növbəti müsahibi xalq artist Faiq Ağayev olub.

O, fanatları ilə bağlı fikirlərini bildirib:

“Fanat ordusu çoxlarında var. Keyfiyyətli və keyfiyyətsiz fanat kütləsi var. Ən səsli fanat, ən yaxşısı demək deyil. Mənim fanat ordum 20-25 ildir mənim bütün konsertlərimə gəlirlər. Fanatlar arasında gərginlik olanda, bu müğənnilərin özünə də təsir edir. Fanatlara deyirəm ki, sevirsiniz sevin, digəri ilə işiniz olmasın. Fanatlarımla ildə ən azı bir dəfə görüşürəm. Ad günlərinə, toylarına, hətta balaları dünyaya gəlir, gedib iştirak edirəm, təbrik edirəm. Atalar məsəli var, mal yiyəsinə oxşayar. Mənim fanatlarım da özüm kimi kübardır”.

AzNews.az