Azərbaycan və İranda zəlzələ

İranın Şərqi Azərbaycan vilayətinin Əhər bölgəsində yenidən zəlzələ baş verib. Zəlzələ Əhər şəhərindən 28 km cənub-qərbində 5,7 bal gücündə qeydə alınıb. Dağıntı və xasarət barədə hələlik məlumat verilmir.

AMEA Respublika Seysmoloji Xidmət Mərkəzi də dünən ölkə ərazisində iki zəlzələnin qeydə alındığını bildirib.

Birinci zəlzələ noyabrın 6-sı saat 19:19-da Nardarandan 57 km şimal-qərbdə, Xəzər dənizində, ikinci zəlzələ isə saat 23:27-də Zaqatala rayonundan 11 km cənubda qeydə alınıb.

Əhərdə baş verən zəlzələ Azərbaycan və Ermənistanda hiss edilib.

Alpər
AzNews.az