Rusiyada maraqlı oğurluq hadisəsi baş verib. Rusiyada maraqlı oğurluq hadisəsi baş verib.

Oğru evə girdi və paltarlarını təmizləyib getmək istədi

Rusiyada maraqlı oğurluq hadisəsi baş verib.


Kalininqrad şəhərində oğru mənzilə girib və orada öz paltarlarını yumağa başlayıb.

Şəhərin Uqlavoy küçəsində bir oğru binalardan birinin birinci mərtəbəsində heç kimin evdə olmadığını öyrənib və pəncərəni sındıraraq, içəri daxil olub. O, əvvəlcə qızdırıcı cihazı işə salıb, daha sonra bükülmüş xalçanı açıb və paltarlarını təmizləməyə başlayıb.

Çox keçmədən ev sahibi evə qayıdıb. O, qızdırıcının işlədiyi, hamamda suyun səsini və yad adamın zümzüməsini eşidib, astaca qapını bağlayıb və birbaşa polisə gedib.

Bu arada oğru artıq əynində təmiz paltarları ilə qapıya tərəf gedəndə tələyə düşdüyünü anlayıb. Oğru düşünüb ki, elə gəldiyi yerdən də geri qayıtsın. Lakin pəncərədən tullanan şəxs hadisə yerinə vaxtında gəlmiş polis əməkdaşlarının yanına düşüb.

Rusiya təhlükəsizlik xidmətindən verilən məlumata görə, "təmizkar" oğru bundan əvvəl dəfələrlə məhkum olunub.


Anspress.com