Deputatı döyüb evinə yola saldılar

Onun nə məqsədlə oğurlandığı barədə məlumat verilmir

Rusiyada hakim Vahid Rusiya Partiyasından Duma üzvü, bir gün əvvəl yoxa çıxdığı barədə məlumat yayılan Dmitri Sulyayev tapılıb. Hüquq-mühafizə orqanlarının məlumatına görə, deputat güclü zədə aldığı üçün artıq həkimə müraciət edib.

Təhqiqat zamanı aydın olub ki, deputatı oğurlayaraq möhkəm döyüblər. Yalnız bundan sonra sərbəst buraxılan Sulyayevin kimlər tərəfindən və nə məqsədlə oğurlandığı barədə məlumat verilmir. Polis həmçinin, Sulyayevin deputatlıq fəaliyyətinə görə oğurlandığı barədə məlumatları hələlik təsdiqləməyib.

Elnarə Əlosmanqızı
AzNews.az