Putin Xəzərdən atılan raketlərdən danışdı - VİDEO

Rusiya prezidenti Vladimir Putin türkmənistanlı həmkarı Qurbanqulu Berdiməhəmmədovla görüşdə Xəzər dənizi üzərində hava məkanının təhlükəsizlik məsələlərini müzakirə edib.


AzNews.az-ın ans press-ə istinadən məlumatına görə, bu barədə Rusiya prezidentin mətbuat xidməti xəbər verib.

Görüşdə Rusiya lideri ölkəsinin terror aktlarında günahkarlar cəzalandırılmayanadək İŞİD terror qruplaşması ilə mübarizədə Xəzər dənizinin hava məkanından istifadə edəcəyini bildirib.

"Terror təşkilatları, İŞİD və ya başqaları, onlar heç kəsə rəhm etmirlər və onlar vəhşiliklərlə məşğul olurlar. Onlar həmçinin sərnişin gəmilərinə də rəhm etmirlər", - deyə Putin bildirib.

"Xəzər dənizində hava məkanından istifadəyə görə regionda bizim dostlarımızın narahatçılığına gəlincə, bizə qazaxstanlı dostlar hələ ki, heç nə demirdilər, amma biz bu barədə məlumatlı olacağıq. Biz anlayırıq ki, bəzi narahatlıqlar yaradılır, amma biz bilirik ki, terrorizmlə mübarizəyə görə aparılan bütün səylərə hamı təşəbbüs edir. Terror təşkilatları heç kəsə rəhm etmir",- deyə Putin vurğulayıb.

"Buna görə, əgər hansısa bir narahatlıq yaradılırsa, onda onları əlbəttə minimallaşdırmaq lazımdır. Amma bizim təyyarəmizlə bağlı faciəli təcrübəyə əsaslanaraq biz günahkarları cəzalandırmaq üçün nə qədər lazım sayacağımız vaxta qədər bunu davam edəcəyik", - Putin vurğulayıb.

Rusiya donanması İŞİD terrorçu qruplaşmasının Suriyadakı mövqelərinə növbəti dəfə Xəzər dənizindən raket zərbələri endirib. Bu barədə Rusiya müdafiə naziri Sergey Şoyqu prezident Vladimir Putinə məruzə edib. Nazir prezidentə məruzəsində Xəzər dəniz donanmasından atılan bütün 18 raketin terrorçuların hədəflərinə düşdüyünü qeyd edib. Bunun nəticəsində İŞİD terrorçu qruplaşmasının xeyli sayda canlı qüvvəsi ilə yanaşı hərbi texnikası məhv edilib. Rusiya bundan əvvəl də Suriyadakı İŞİD mövqelərini Xəzər donanmasından bombardman etmişdi. Rusiya oktyabrın 7-də Suriya ərazisini Xəzər dənizindən bombaladığını açıqlamışdı. Müdafiə naziri Şoyqu elə həmin gün də bu barədə Putinə məruzə etmişdi.

Rusiyanın rəsmi açıqlamasından əvvəl də Qərb və Rusiya mətbuatlarında Suriya ərazisinin Xəzər dənizindən bombaladığı barədə məlumatlar yayılmışdı. Rusiya qırıcılarının uçuş marşrutunun Azərbaycan, Xəzər dənizi, İran və İraq üzərindən keçdiyi göstərilir. Rusiyanın İŞİD-i məhv edəcəyini qarşısına məqsəd qoyduğu bir vaxtda NATO, Ərəb dövlətləri, Avropa İttifaqı və digər dövlətlər buna etiraz edir. Onlar Rusiyanın İŞİD mövqelərini deyil, Bəşər Əsədə qarşı döyüşən müxaliflərin ərazilərini bombaladığını deyirlər.Rusiya həmçinin Türkiyənin hava sərhədlərini pozmaqda günahlandırılır.


Xəzərdən İŞİD-in vurulma marşrutu


Rusiya donanmasının endirdiyi raket zərbələri