Azərbaycan Ordusunun hərbçisi yol qəzasında həlak olub

Azərbaycan Ordusunun hərbçisi Füzulidə yol qəzasında həlak olub.

Bu barədə Müdafiə Nazirliyindən məlumat verilib.

Məlumata görə, oktyabrın 6-sı saat 03:45 radələrində Füzuli rayonunun Əhmədbəyli kəndi ərazisində yol-nəqliyyat hadisəsinin baş verməsi nəticəsində Azərbaycan Ordusunun hərbi qulluqçusu Babayev Ziya Baba oğlu həlak olub.

"Müdafiə Nazirliyinin rəhbərliyi vəfat edən hərbi qulluqçunun yaxınlarına dərin hüznlə başsağlığı verir", məlumatda deyilir.