- Rusiya və İran
- 14 Avqust 2019 03:30
- 3 464
Rusiyada ağır yol qəzası - 5 ölü, 6 yaralı var
Xəsarət alanlar Ust-Labinski Mərkəzi Rayon Xəstəxanasına yerləşdirilib
Rusiyanın Krasnodar diyarının Ust-Labinski rayonunda ağır yol-nəqliyyat hadisəsi baş verib.
“RİA Novosti”yə istinadla xəbər verilir ki, qəza Temryuk-Krasnodar-Kropotkin avtomobil yolunda qeydə alınıb.
Bölgənin Daxili İşlər Nazirliyindən verilən məlumata görə, 4 nəfər hadisə yerində ölüb.
Yaralılar arasında olan bir azyaşlı isə reanimasiyada dünyasını dəyişib.
Regional Səhiyyə Nazirliyinin məlumatında bildirilib ki, xəsarət alanlar Ust-Labinski Mərkəzi Rayon Xəstəxanasına yerləşdirilib. Hazırda onların müayinəsi davam edir. (APA)