80 minlik qalmaqal - Qismət istintaqa video göndərdi

Son günlərin ən çox müzakirə olunan şou-biznes mövzularından biri, Samir Piriyev və Kamran Həsənli arasındakı 80 min manat qalmaqalı yeni mərhələyə qədəm qoyub. Belə ki, 80 min manat pulunun mənimsənildiyini iddia edən Samir Piriyevin Daxili İşlər Nazirliyinə müraciətindən sonra qalmaqalda müğənni Qismət Məmmədzadənin də adı hallandırıldı.

Müğənni Qismət Məmmədzadə bu ittihamlara cavab vermək məqsədilə videomüraciət hazırlayıb.

Bütün suallara cavab verən müğənninin həmin videomüraciətini istintaq materialı olduğu üçün yayımlamırıq.

Kamran Həsənli də məsələyə münasibətində videomüraciətin olduğunu təsdiqləyərək "Hər şey gün kimi aydındır. Qismətin də adını bu məsələdə hallandırdı. Qismət də videoda hər şeyi aydınlaşdırdı. Biz həmin videonu istintaqa təhvil verəcəyik. Mənə şər-böhtan ataraq dolayısı yollarla sifarişlər göndərir. Daxili İşlər Nazirliyi, Baş Prokurorluq və məhkəmə orqanları bu məsələnin obyektiv həlli üçün nə lazımdırsa, hamısını edəcəklər" deyə bildirib.

cebhe.info