İradə İbrahimova: “Ora qayıdacağam”

Müğənni İradə İbrahimova arzuladığı ideal çəkiyə yenidən sahiblənib. Ana olandan sonra bir qədər kökəldiyini hiss edən xanım sənətçimiz sağlam vasitələrin köməyi ilə bədən ölçüsünü azalda bilib. Bu barədə AzNews.az-a məlumat verən İradə İbrahimova formada qalmaq üçün mütəmadi idmanla məşğul olduğunu açıqlayıb.

Qida rasionunda məhdudiyyətlər az olsa da, sənətçimiz gündə bir neçə dəfə, amma az qida qəbul edir. Eyni zamanda arıqladan xüsusi çay qəbul edir. Artıq çəki kompleksindən azad olan sənətçini səhnəyə qayıtmasını arzulayan çoxdur. Onun fəal istifadəçisi olduğu sosial şəbəkələrdə yüzlərlə adam sənətçiyə bu səpkidə məktublar ünvanlayır. "Ailəmlə gözəl günlər yaşayıram. Və xoşbəxtəm. Çatışmayan səhnədi. Ora da yaxınlarda qayıdacağam. Xoşbəxtliyimə xoşbəxtlik qatacağam" – deyə İradə xanım bildirib.

Bahar Rüstəmli
AzNews.az