Minsk qrupunun həmsədrləri bu həftə Bakıya gələcəklər

ATƏT-in Minsk qrupunun həmsədrləri bu həftə Azərbaycana səfər edəcəklər.

Bunu APA-nın Moskva müxbirinə Minsk qrupunun Rusiyadan olan həmsədri İqor Popov deyib. O, digər həmsədrlərlə bərabər bu həftə ərzində Azərbaycanda səfərdə olacaqlarını açıqlayıb.

Səfər çərçivəsində həmsədrlərin Azərbaycan prezidenti İlham Əliyev, xarici işlər naziri Elmar Məmmədyarovla görüşləri nəzərdə tutulur.

İ. Popov Ermənistana səfərlərinin başqa vaxta planlaşdırıldığını deyib.