Azərbaycan İsrail istehsalı olan "LORA" raket kompleksi aldı

Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev iyunun 11-də Müdafiə Nazirliyinin Raket Qoşunlarının “N” saylı hərbi hissəsinin açılışında iştirak edib.

AzNews.az Müdafiə nazirliyinin mətbuat xidmətinə istinadən xəbər verir ki, dövlətimizin başçısı döyüş texnikası parkında hərbi texnikaya baxdı.
Ali Baş komandana əməliyyat-taktiki raket kompleksi, İsrail istehsalı olan “LORA” (Lоng-Range Artillery Missile) ilə tanış oldu. Maksimal atış uzaqlığı 300 kilometrdən artıq olan bu kompleksin raketinin çəkisi 1580 kiloqram, döyüş başlığı hissəsinin çəkisi isə 240 kiloqramdır. Raketin zərərvurma radiusu 100 metr təşkil edir. Bir döyüş maşınında 4 raket olur. Onların maksimal uçuş müddəti saniyədə 300 metrdir, atışa hazırlıq vaxtı 13 dəqiqə, istismar müddəti 10 ildir. “LORA” kompleksi GPS və İNS sistemləri ilə idarə olunur.