"Danışıq dövrü bitdi, artıq əməl zamanıdır" - Netanyahudan Avropaya çağırış

"Donald Tramp və Amerika administrasiyasının İrana qarşı sanksiyaların tətbiq edilməsi haqqında qərarını alqışlayıram. Bunun, İsrail, ABŞ, region və bütün dünya üçün çox vacibdir".

AzNews.az-ın məlumatına görə, bunu İsrailin baş naziri Benyamin Netanyahu öz rəsmi Youtube kanalında video mesaj olaraq açıqlayıb.

İranın dayandırılması haqqında söz açan Avropa ölkələrini də bu təşəbbüsə qoşulmağa dəvət edirəm. Danışıq dövrü bitdi, artıq əməl zamanıdır. ABŞ-da belə edirlər, Avropada da belə etmək lazımdır”, - deyə Netanyahu bəyan edərək Avropa ölkələrini də İrana qarşı eyni addımı atmağa çağırıb.

Qeyd edək ki, Birləşmiş Ştatların nüvə sazişini tərk etməsi ilə səciyyələnən sanksiyaların ilk hissəsi avqustun 6-dan 7-nə keçən gecə (Bakı vaxtı ilə saat 08:00-da) bərpa olunacaq və dərhal da qüvvəyə minəcək.

Murad Abdulla