Britaniyada 176 illik qadağa ləğv edildi

Oktyabrın 1-dən etibarən Britaniyada nikah mərasimləri ilə bağlı 176 il qüvvədə olan qadağa götürülüb. 1836-cı ildə qüvvəyə minən qadağaya görə, nikah ancaq saat 8:00-dan 18:00-dək bağlana bilərdi.

Bu çərçivədən kənara çıxmaq isə gizli nikah kimi qəbul edilərək, qeydiyyata alınmırdı. Qadağanın götürülməsindən ilk olaraq Blekpulsk qülləsi istifadə edəcək. 158 metr hündürlüyündə olan qüllədə sutkanın istənilən saatında nikah mərasimi təşkil etmək mümkün olacaq.

Amma səhər erkən və gecə saatlarında bağlanan nikahlara marağın necə olacağını əvvəlcədən təxmin etmək mümkün deyil. Məsələn, səhər saat 5-də nikah bağlayan Britni Spirs və Ceyson Allen cəmi 55 saat sonra ayrılmışdılar.

Elnarə Əlosmanqızı
AzNews.az