"Suriya təyyarəsindəki yük hərbi təyinatlıdır"

Oktyabrın 10-da Moskvadan Dəməşqə uçan və Ankarada yerə endirilən təyyarədən götürülmüş yük hərbi təyinatlıdır. (APA) Bu barədə Türkiyənin baş naziri Rəcəb Tayyib Ərdoğan bəyan edib. "Yük hərbi təyinatlıdır və tank üçün istifadə olunur.

Yükün radarlar və başqa nəsə üçün göndərildiyi barədə məlumatların əsası yoxdur. Əslində, radar komponentləri də hərbi məqsədlər üçün istifadə olunur", deyə baş nazir bildirib. O yük barədə daha ətraflı məlumatı açıqlamağın hələ tez olduğunu əlavə edib.

Xatırladaq ki, oktyabrın 10-da Moskvadan Dəməşqə uçan sərnişin təyyarəsi Ankarada yerə endirilmiş və təyyarədə 7 saat axtarış aparılmışdı. Türkiyə rəsmiləri axtarış nəticəsində təyyarədə Rusiya şirkətindən Suriya müdafiə nazirliyinə göndərilən hərbi təyinatlı yükün aşkar edilib götürüldüyünü bildirmişdilər.

AzNews.az