Erməni-Türk biznes lediləri Vaşinqtonda görüşdü

Amerikanın Hasna təşkilatı erməni və türk biznes ledilərinin görüşünü təşkil edib. AzNews.az-ın Ermənistan mətbuatına istinadən verdiyi xəbərə görə, görüşdə əsas məqsəd hər iki millətdən olan iş qadınları arasında əməkdaşlıq mühiti yaratmaqdır.

Təşkilatın rəhbəri Nezver Steysi bildirib ki, görüş çərçivəsində işgüzar qadınlar təcrübə mübadiləsi aparıb, təlimlərə qatılacaq və yeni investisiya imkanlarını müzakirə edəcəklər. Steysi onu da bildirib ki, onun təşkilatının məqsədi Ermənistan-Türkiyə problemlərini həll etmək yox, iş adamlarının görüşünü təşkil etmək və onların qarşılıqlı dialoquna nail olmaqdır.

Qeyd edək ki, ABŞ-ın mövqeyi nə qədər xoş məramlı səslənsə də əsl məqsəd Türkiyə və Ermənistan arasında sərhədlərin açılmasıdır. İş adamlarının görüşü də eyni məqsədə xidmət edir.

Sadiq Musa
AzNews.az