Belçikada Azərbaycan cəmiyyəti təsis olundu

Belçikada yaşayan soydaşlarımız yeni qurum təsis edib. Oktyabrın 22-də paytaxt Brüsseldə Belcika Azərbaycanlıları Cəmiyyətinin Təşəbbüs qrupunun üzvlərinin təşkilatçılığıyla ölkəmizin müstəqilliyinin 22 illiyi münasibətiylə tədbir keçirilib. Belçika Azərbaycan Evində baş tutmuş tədbirdə qonaqlara ölkəmizin mədəniyyəti, tarixi abidələri, adət ənənələri və sairə haqda ətraflı məlumat verən film numayiş olunub.

Daha sonra tədbiri açıq elan edən Belçika Azərbaycan Cəmiyyətinin sədri Rəşad Xasayoğlunun AzNews.az-a verdiyi məlumata görə, Belçikada yaşayan azərbaycanlıların təşkilatlanmasına çalışacaqlarına və soydaşlarımızın Belçika cəmiyyətinə inteqrasiya olunmasında, qarşılaşdıqları problemlərin həllində yardımçı olacaqlar.

Tədbirin giriş hissəsində iştirakçılar Azərbaycanın müstəqillyinin keçdiyi tarixi yol, bu yolda verdiyi qurbanlar haqda əcnəbi qonaqları və həmvətənlərimizi məlumatlandırıblar. Sonda tədbirdə iştirak edən azərbaycanlıların dəstəyi ilə Belçika-Azərbaycan Cəmiyyəti yaradılıb.

AzNews.az