Yoluxanların sayı 400-dən aşağı düşdü

Aktiv xəstə sayı 8 200 nəfərdir

Bu gün Azərbaycanda daha 517 nəfər koronavirusdan sağalıb, 5 nəfər isə vəfat edib.

Bu barədə AzNews.az-a Operativ Qərargahdan məlumat verilib. Son sutka ərzində ölkədə daha 388 yeni yoluxma qeydə alınıb.

Hazırkı dövrədək ölkəmizdə 27 521 nəfərin koronavirus infeksiyasına yoluxması faktı müəyyən edilib. Onlardan 18 967 nəfər müalicə olunaraq sağalıb, 354 nəfər vəfat edib. Aktiv xəstə sayı 8 200 nəfərdir.

Ötən müddət ərzində 627 min 881 test aparılıb. Bugünkü test sayı isə 8 095-dir.