• Toplum
  • 31 Dekabr 2020 19:45
  •  251

Müdafiə naziri hospitalda qazilərlə görüşüb

Bu barədə Müdafiə Nazirliyi məlumat yayıb

Dekabrın 31-də Müdafiə Nazirliyinin rəhbər heyəti Dünya Azərbaycanlılarının Həmrəyliyi Günü və Yeni il bayramı münasibətilə Silahlı Qüvvələrin Baş Klinik Hospitalında olub.

AzNews.az Müdafiə Nazirliyinə istinadən xəbər verir ki, Müdafiə naziri general-polkovnik Zakir Həsənov hospitalda müalicə olunan Vətən müharibəsi qaziləri ilə görüşərək onların səhhəti və reabilitasiya prosesi ilə maraqlanıb, tezliklə sağalaraq xidmət yerlərinə qayıtmalarını arzu edib.

Müdafiə naziri Ali Baş Komandan İlham Əliyevin təbriklərini hərbi qulluqçulara çatdıraraq dövlət başçısı adından bayram sovqatlarını təqdim edib.