ANAMA yeni minatəmizləmə texnikaları almağı planlaşdırır

Hazırda ANAMA-nın sərəncamında 6 ədəd mexaniki minatəmizləmə maşını var

Azərbaycan Minatəmizləmə Agentliyi (ANAMA) tərəfindən yeni mexaniki minatəmizləmə texnikalarının alınması nəzərdə tutulub.

AzNews.az xəbər verir ki, bunu jurnalistlərə açıqlamasında ANAMA-nın əməkdaşı Musa Məmmədov deyib.

Onun sözlərinə görə, hazırda ANAMA-nın sərəncamında 6 ədəd mexaniki minatəmizləmə maşını var:

“Bundan əlavə 30 baş minaaxtaran itlər var ki, onlar hazırda əməliyyatlarda istifadə olunur. Bu gün minaaxtarma əməliyyatı üç üsulla həyata keçirilir. Bunlar əl ilə, itlərin köməyi ilə və minatəmizləyən texnikalarladır.

Hazırda yeni texnikaların alınması ilə bağlı ilkin işlər aparılır, yaxın zamanlarda bu barədə məlumatlar veriləcək”.

M.Məmmədov qeyd edib ki, texnikalar Türkiyə və daha əvvəl bu istiqamətdə əməkdaşlıq edilən digər ölkələrin şirkətlərindən alına bilər.