Belarusda Rusiya hərbi bazasının yaradılmasına ehtiyac yoxdur - Lukaşenko

"Onsuz da biz Rusiya ilə eyni ittifaqdayıq"

Belarusda xarici ölkələrin, o cümlədən Rusiya hərbi bazasının yaradılmasına ehtiyac yoxdur.

AzNews.az Orta Asiya Xəbər Xidmətinə istinadən xəbər verir ki, bu fikirləri Belarus prezidenti Aleksandr Lukaşenko bir qrup ABŞ-lı analitiklərlə görüşü zamanı deyib.

Lukaşenko xatırladıb ki, Belarus Qərblə münasibətləri heç də yaxşı olmayan Rusiya ilə bir hərbi ittifaqdadır: "Bu baxımdan deyə bilərəm ki, bizdə heç bir ölkənin hərbi bazası yoxdur".

"Bu, şişirdilmiş bir problemdir. Onsuz da biz Rusiya ilə eyni ittifaqdayıq. Belə olan halda bazanın olub-olmadığının elə bir önəmi yoxdur. Belə fikir formalaşır ki, guya biz o bazanı yerləşdirsək, müstəqilliyimizi itirərik. Xeyr, biz onu ona görə yerləşdirmirik ki, o baza bizə lazım deyil". Lukaşenko belə deyib.

Babək Göyüş

© AzNews.az