İsrail ordusu ilə toqquşmalarda 3 fələstinli öldü, 50-si yaralandı - YENİLƏNİB

Hadisə Qəzza zolağında qeydə alınıb

Qəzza zolağında İsrail ordusu ilə toqquşmalar nəticəsində 3 fələstinli ölüb, daha 50-si yaralanıb.

Bu barədə Fələstin Səhiyyə Nazirliyinin nümayəndəsi Əşrəf əl-Kidruya istinadən RİA "Novosti" məlumat yayıb.

Onun sözlərinə görə, zərərçəkmişlər İsrail əsgərləri ilə anklavın şərq sərhədlərində baş verən qarşıdurmalar zamanı yaralanıblar.

21:42

İsrail qüvvələrinin cümə günü blokadada olan Qəzzanın mərkəzi rayonuna endirdiyi hava zərbələri nəticəsində iki fələstinli həyatını itirib.

TASS-a istinadən xəbər verilir ki, bu barədə Fələstin anklavının Səhiyyə Nazirliyinin nümayəndəsinə istinadən AFP məlumat yayıb.

Onun sözlərinə görə, havadan zərbə pilotsuz uçan aparatlarla HƏMAS hərəkatının mövqelərinə endirilib. Hərəkatın daha 3 tərəfdarı yaralanıb. (Report)