Əsəd ordusu İdlibi yerlə-yeksan edir

Ölən və yaralananların sayının artacağı istisna deyil

Əsəd ordusu ölkənin qərbində yerləşən yaşayış məntəqələrinə zərbələr endirməkdə davam edir.

“Anadolu” xəbər verir ki, nəticədə daha 14 nəfər ölüb, 20 nəfər yaralanıb.

Bildirilir ki, İdlib əyalətindəki yaşayış məntəqələrinə Suriya Hərbi Hava Qüvvələri Rusiya Hərbi-Kosmik Qüvvələri ilə birgə zərbələr endirir.

Konkret olaraq aviazərbələrə Kefrenbil və Xan-Şeyhun şəhərləri, Bıdam və Mıhamdil rayonları, eləcə də bir sıra kəndlər tuş gəlib.

Ölən və yaralananların sayının artacağı istisna deyil.(oxu.az)

AzNews.az