İsrail xarici vətəndaşların ölkəyə girişinə qadağa qoydu

Bu barədə İsrailin Baş Naziri Binyamin Netanyahu bildirib

İsrail dekabrın 23-dən etibarən xarici vətəndaşların ölkəyə girişinə qadağa qoyur.

AzNews.az TASS-a istinadən xəbər verir ki, bu barədə İsrailin Baş Naziri Binyamin Netanyahu bildirib. Onun sözlərinə görə, son 48 saat ərzində ölkəyə qayıdanlar isə yeni növ koronavirusla əlaqədar olaraq məcburi karantinə alınacaqlar:

“Xarici vətəndaşlar ölkəyə daxil ola bilməyəcəklər. İstisna hal diplomatlara aiddir. Bu andan etibarən 48 saat ərzində ölkəyə qayıdanlar xüsusi mərkəzlərdə karantində saxlanılacaqlar”.