"Azərbaycanda bu il 112 mindən çox əmək müqaviləsi imzalanıb"

Özəl sektorda bu göstərici 88 mindir

Bu ilin əvvəlindən Azərbaycanda 112 mindən çox əmək müqaviləsi imzalanıb.

Bunu Vergilər naziri Mikayıl Cabbarov “Kölgə iqtisadiyyatı ilə mübarizə iqtisadiyyatın inkişafının vacib amili kimi” adlı konfrans zamanı deyib.

Nazir bildirib ki, hesabat dövründə özəl sektorda 88 mindən çox yeni əmək müqaviləsi imzalanıb:

“Özəl sektordakı bu göstərici ümumi göstəricinin 78 faizini təşkil edir. Əmək münasibətlərinin leqallaşmasının əsas hissəsi ticarət, sənaye və tikinti sektorunun payına düşüb”.

M.Cabbarov əlavə edib ki, bu ilin 7 ayı ərzində qeyri-neft sektorunda əməkhaqqı fondu 20 faizədək artıb. (Trend)