- Göz önü
- 7 Noyabr 2019 14:38
- 3 137
Azərbaycan Türkiyə ilə hərbi sahədə mühüm protokol imzaladı
A |
A |
A
2020-ci il üçün fəaliyyət planı razılaşdırılıb
Bakıda Azərbaycan-Türkiyə 12-ci Yüksək Səviyyəli Hərbi Dialoq iclası öz işini başa vurub.
Müdafiə Nazirliyindən verilən məlumata görə, toplantıda Azərbaycan ilə Türkiyə arasında təhlükəsizlik, hərbi, hərbi-texniki, hərbi tibb, hərbi təhsil və digər sahələrdə əməkdaşlığın vəziyyəti, inkişaf perspektivləri müzakirə edilib, eləcə də qarşıda duran vəzifələrin yerinə yetirilməsi üçün əsas istiqamətlər müəyyənləşdirilib və 2020-ci il üçün fəaliyyət planı razılaşdırılıb.
Görüşün sonunda iclasının yekunlarına dair Azərbaycan Respublikası Müdafiə Nazirliyi ilə Türkiyə Respublikası Baş Qərargahı arasında protokol imzalanıb.
Bu formatda növbəti görüşün gələn il Türkiyədə keçirilməsi planlaşdırılır.
AzNews.az