- Türkiyə
- 19 Noyabr 2018 16:37
- 1 343
Səfirlik Ermənistan TIR-ları ilə bağlı iddiaları təkzib etdi
Türkiyənin Azərbaycan səfirliyi Ermənistana məxsus TIR-lara (yük maşınları) Türkiyədən iş icazəsi verildiyinə dair iddiaları təkzib etdi.
AzNews.az xəbər verir ki, səfirliyin mövzuya dair açıqlamasında bildirilir ki, Türkiyənin Ermənistan TIR-larına sərhəd keçid məntəqəsini açdığı barədə bəzi xəbər saytlarında yer tutan xəbərlər həqiqəti əks etdirmir.
"Türkiyənin Gürcüstan Səfirliyində Ermənistan vətəndaşlarına iş vizası verilməsi və bununla Ermənistanda qeydiyyatda olan TIR-ların Türkiyənin Trabzon limanından istifadə etməsi barədəki xəbərlər həqiqəti əks etdirmir"-deyə məlumatda bildirilir.
Xatırladaq ki, Beynəlxalq Əsassız Erməni İddiaları ilə Mübarizə Dərnəyinin (ASİMDER) sədri Göksəl Gülbəy Türkiyənin ildə 400 Ermənistan TIR-na Trabzon limanı üzərindən dünyaya açılma icazəsi verdiyini iddia etmişdi.
Elgün
AzNews.az