Hollandiyada öldürülən türk qızı Türkiyədə dəfn edildi

Hümeyra gözyaşları ilə son mənzilə yola salındı.

Hollandiyanın Rotterdam şəhərində oxuduğu məktəbdə silahlı hücuma məruz qalan Hümeyra Ergincanlı doğulduğu Karamanda torpağa tapşırıldı.

AzNews.az Türkiyə mətbuatına istinadla xəbər verir ki, 16 yaşlı Hümeyra ayrıldığı 31 yaşlı sevgilisi Bekir Eraslan tərəfindən 3 gün əvvəl oxuduğu məktəbin həyətində silahlı hücuma məruz qalıb.

Xəstəxanaya yerləşdirilən qızın həyatını xilas etmək mümkün olmayıb.

Hümeyra Ergincalının cəsədi birinci Konya şəhərinə, ordan da doğulduğu Karaman şəhərinə gətirilərək torpağa tapşırılıb.

Qeyd edək ki, Hümeyranın ailəsi Bekir Eraslanı qızı təhdid etdiyi üçün dəfələrlə polisə şikayət edib.

Nigar CƏFƏR

AzNews.az