Antalyada külək avtobusu aşırdı - Yaralılar var

Türkiyənin Antalya vilayətində hökm sürən güclü qasırğa aeroportda avtobusu aşırıb.

Trend-in məlumatına görə, qəza nəticəsində yaralananların olduğu bildirilir.

lkin məlumata görə, 5 nəfər xəsarət alıb.

Qeyd edək ki, təbiət hadisəsi Qumluca rayonunda ciddi fəsadlara səbəb olub. Məlumata görə, qasırğa nəticəsində bir neçə istixana dağılıb və işçilər xəsarət alıb.

Xatırladaq ki, yanvarın 24-ü Antalyada baş vermiş qasırğa nəticəsində 2 həlak olmuş, 11 nəfər xəsarət almışdı.

Aznews.az