Türkiyə prezidenti başsağlığı verib

Və yanğından zərər çəkənlərə hər cür dəstək veriləcəyini bildirib

Türkiyə Prezidenti Rəcəb Tayyib Ərdoğan meşə yanğnları baş verən ərazidə olan 3 nazirlə ayrı-ayrılıqda əlaqə saxlayaraq, hadisə ilə bağlı məlumat alıb və təlimatlar verib.

Aznews.az-ın Türkiyə Prezident Adminstrasiyasının Kommunikasiya İdarəsinə istinadla xəbərinə görə, Ərdoğan Antaliyada olan meşə və kənd təsərrüfatı naziri Bekir Pakdemirli, xarici işlər naziri Mövlud Çavuşoğlu, Ətraf mühit və şəhərsalma naziri Murat Kurumla mütəmadi əlaqələr saxlayaraq yanğının nəzarətə alınması üçün tövsiyələrini verir.

Türkiyə Prezidenti Antalyanın Manavqat rayonunda baş verən yanğından həyatını itirənlərin yaxınlarına başsağlığı verib və zərər çəkənlərə hər cür dəstək veriləcəyini bildirib.