ABŞ vətəndaşlarına 35 ölkəyə səyahət etməmək tövsiyə edildi

Siyahıda Rusiya, Türkiyə, İran da var

ABŞ Dövlət Departamenti vətəndaşlarına 35 ölkəyə səyahət etməməyi tövsiyə edib. Birləşmiş Ştatların xarici siyasət idarəsinin bu bəyanatı həmin ölkələrdə öz vətəndaşlarının qaçırılma təhlükəsi ilə üzləşəcəyi ilə əlaqədardır.

BBC telekanalının saytına istinadla xəbər verilir ki, Dövlət Departamentinin riskli ölkələr siyahısında qaçırılma təhlükəsi “K” hərfi, terror isə “T” ilə işarələnib. Yenilənmiş siyahıya silahlı münaqişə olan ölkələrdən Əfqanıstan, Pakistan, Konqo Demokratik Respublikası, Əlcəzair, Yəmən, Liviya ilə yanaşı, Birləşmiş Ştatlarla münasibətləri gərgin olan Rusiya, Türkiyə, İran da daxil edilib. (AZƏRTAC)