ABŞ Dövlət katibi Qətər Əmiri ilə Fars körfəzindəki gərginliyi müzakirə etdi

Tərəflər arasında həmçinin Sudan, Liviya və Əfqanıstan da daxil olmaqla, digər vacib regional məsələlərə toxunulub

ABŞ-ın dövlət katibi Mayk Pompeo Vaşinqtonda Qətər Əmiri Şeyx Tamim bin Həməd Əl Tani ilə görüşüb.

“RİA Novosti”yə istinadən xəbər verilir ki, görüşdə əsasən Fars körfəzindəki gərgin vəziyyət müzakirə edilib.

Dövlət Departamentinin mətbuat xidmətinin yaydığı məlumatda bildirilir ki, Dövlət katibi və Qətər Əmiri bölgədə gedən gərginliyin fonunda Körfəz Əməkdaşlıq Şurasının İran rejiminin qeyri-sabit fəaliyyətlərinə qarşı birləşməsinin əhəmiyyətindən danışıblar.

Tərəflər arasında həmçinin Sudan, Liviya və Əfqanıstan da daxil olmaqla, digər vacib regional məsələlərə toxunulub.

Yaxın Şərqdəki vəziyyətin müzakirəsi zamanı ABŞ tərəfi Fars körfəzindəki gərginliyə görə İranı ittiham edərək anti-İran koalisiyası yaratmaq kimi fikirlər də səsləndirib. (APA)