İngiltərədə şahzadə Filipin 190 min dollarlıq heykəli söküləcək

Edinburq hersoqu, II Yelizavetanın mərhum əri Şahzadə Filipin Kembricdəki dörd metrlik abstrakt bürünc heykəli quraşdırıldıqdan 10 il sonra sökülür.

Bu barədə “The Times” qəzetinin verdiyi məlumatda qeyd edilib.

Kembric ofis binasının qarşısındakı 190 min dollarlıq, 13 fut hündürlüyündə bürünc heykəl Şahzadə Filipi Kembric Universitetinin kansleri rolunda təsvir etmək üçün nəzərdə tutulub.

Məlum olub ki, o, 2014-cü ildə şəhərin mərkəzində “Unex Group” tikinti şirkətinin inzibati binasının yaxınlığında səlahiyyətlilərdən icazəsiz quraşdırılıb.

Məqalədə həmçinin bildirilir ki, Kembric rəsmiləri mücərrəd heykəli indiyə qədər gördükləri ən pis sənət əsəri adlandırıblar. Nəşr qeyd edir ki, quraşdırıldığı gündən onun ətrafında mübahisələr dayanmayıb.

Mövsüm

Aznews.az