Makron Aİ-nin Rusiyaya qarşı sanksiyaların gücləndirilməsinə yekdil dəstəyini açıqlayıb

Avropa İttifaqına (Aİ) üzv ölkələr yekdilliklə Rusiyaya qarşı sanksiyaların gücləndirilməsini dəstəkləyir.

Fransa prezidenti Emmanuel Makron bu barədə alyans sammitindən sonra mətbuat konfransı zamanı bildirib.

“Biz Rusiyaya qarşı sanksiyaların gücləndirilməsi məsələsində həmrəyik, prioritet əvvəllər tətbiq edilmiş sanksiyalardan yayınma ilə mübarizədir”, - deyə Fransa lideri bildirib.

Eyni zamanda Makron əmin edib ki, Kiyevə hərbi dəstək Aİ üçün prioritetdir, o cümlədən Ukraynada döyüş sursatlarının tədarükü və birgə silah istehsalı.

Mövsüm

Aznews.az