- Qərb
- 17:38
- 722
Aİ ölkələri Ukraynaya əlavə 6,6 milyard avro ayrılmasına dair razılığa gəlib
Avropa İttifaqına (Aİ) üzv dövlətlər Ukraynaya Avropa Sülh Fondundan əlavə 6,6 milyard avro ayrılmasının şərtlərini razılaşdırıblar.
Bu barədə Aİ-nin xarici siyasət və təhlükəsizlik siyasəti üzrə ali nümayəndəsi Kaya Kallas sentyabrın 25-də bildirib.
“900 milyon avro Aİ-nin Ukraynaya hərbi yardım missiyasına yönəldiləcək. 1 milyard avro yeni birgə texnika satınalmalarının maliyyələşdirilməsinə ayrılacaq. Daha 4,7 milyard avro üzv dövlətlərin xərclərinin kompensasiyası üçün nəzərdə tutulub. Onlardan bəziləri artıq öz paylarını Ukraynaya yönəldəcəklərini açıqlayıblar”, - deyə Kallas “X” sosial şəbəkəsində yazıb.
Ödənişlər tərəfdaş ölkələrin hərbi ehtiyaclarının maliyyələşdirilməsi və müdafiə qabiliyyətlərinin gücləndirilməsi üçün istifadə olunan Avropa Sülh Fondu mexanizmləri çərçivəsində həyata keçiriləcək.
Mövsüm,
AzNews.az
