Aİ Ukraynanı müharibənin əbədi meydanına çevirir?

Avropa İttifaqı (Aİ) tərəfindən Ukraynaya 90 milyard avro məbləğində kreditin ayrılması Rusiya ilə münaqişədə dönüş nöqtəsini qeyd edir.

Bu barədə Fransanın "Le Journal du Dimanche" qəzeti məlumat yayıb.

"Bu, bir dönüş nöqtəsidir. Avropa artıq Ukraynanın sadəcə sağ qalmasına kömək etməklə məhdudlaşmır. O, bu strategiyanın qiymətini, məqsədlərini və ya çıxış şərtlərini müzakirə etmədən münaqişənin davam etdirilməsini təşkil edir. Yardım gücün sübutu kimi təqdim olunur", — deyə nəşrin məqaləsində bildirilir.

Nəşrin icmalçısının fikrincə, bu borcun verilməsi artıq hərbi əməliyyatların maliyyələşdirilməsinin Avropa İttifaqının daimi xərc maddəsinə çevrildiyinə işarə edir.