Nepalda təbii fəlakətdən ölənlərin sayı 54 nəfərə çatıb

Nepalda güclü yağışlardan sonra baş verən daşqınlarda və torpaq sürüşməsində ölənlərin sayı 54-ə çatıb.

Daha əvvəl 33 nəfərin öldüyü bildirilirdi.

Bildirilir ki, hökumət 20 nəfər itkin düşənin axtarışını davam etdirir. Çayların sahilində yerləşən yaşayış məntəqələrinin yüzlərlə sakini öz evlərini tərk etməyə məcbur olub.

Nepalın Daxili İşlər Nazirliyinin nümayəndəsi bildirib ki, xilasedici əməliyyatlar ölkənin 14 əyalətində aparılır. Hökumət su basmış ərazilərə helikopterlər vasitəsi ilə ərzaq çatdırır. Xilasetmə işlərinə ordu da cəlb edilib.


Musavat.com