Kobaniyə gedəcək kürd döyüşçülərinin sayı açıqlandı – VİDEO

Türkiyə prezidenti Rəcəb Tayyib Ərdoğan Kobaniyə gedəcək kürd döyüşçülərinin sayının 200-dən 150-yə endirildini açıqlayıb.

AzNews.az xəbər verir ki. Estoniyaya rəsmi səfər edən Rəcəb Tayyib Ərdoğan Estoniya prezidenti Hendrik İlveslə keçirdiyi mətbuat konfransında İŞİD-lə mübarizə mövzusunda jurnalistlərin suallarını cavablandırarkən "Kobaniyə 1300 Azad Suriya Ordusu və 150 kürd döyüşçüsü gedəcək" sözlərini deyib.

"Daha əvvəl də ifadə etdiyim kimi cənab Obamaya "Kobanidə döyüşmək üçün birinci ora Azad Suriya Ordusunun əsgərləri, ikinci isə kürd döyüşçüləri gedə bilər" demişdik. Daha sonrakı hadisələrdə PYD 200 nəfərlik bir qrupu qəbul etdi. Az əvvəl aldığım məlumata görə bu sayı 150-yə endiriblər", - deyə Türkiyə prezidenti bildirib.