Atəşkəs pozuldu - Düşmən ordusunun 2 hərbçisi yaralandı

Xəbər verdiyimiz kimi, erməni silahlı bölmələri cəbhənin müxtəlif istiqamətlərində 60 millimetrlik minaatanlardan da istifadə etməklə sutka ərzində atəşkəs rejimini ümumilikdə 106 dəfə pozublar.

Azərbaycan Silahlı Qüvvələri əməliyyat şəraitini nəzərə alaraq düşmənin atəş nöqtələrinə, mövqelərinə və səngərlərinə 128 atəş zərbəsi endirib.

AzNews.az erməni KİV-lərinə istinadən xəbər verir ki, bir neçə saat davam edən atışma nəticəsində 2 erməni hərbçisi yaralanıb. Yaralananlar hərbi qospitala aparılıblar.

Ermənistan Müdafiə Nazirliyinin mətbuat katibi Artsrun Ovannisyan bildirib ki, yaralananlar təcili xidmətin xərbçiləridir: 1996-cı il təvəllüdlü Vladimir Qevorkyan və 1993-cü il təvəllüdlü Qor Qevorkyan.

Yaralanan hərbçilərin vəziyyətinin stabil olduğu və ölüm təhlükəsinin olmadığı bildirilir.

Aydan Axundova