Möhtəşəm festivala sayılı saatlar qaldı - Foto

İnsanlara könül xoşluğu, xoş əhval ruhiyyə bəxş edən bütün yeni-adət ənənələr alqışa layiqdir. Sabah daha bir möhtəşəm ənənənin təməli Lənkəranda qoyulacaq.

AzNews.az xəbər verir ki, ölkədə ilk dəfə məhz Lənkəranda “Çay, çəltik və sitrus festivalı” keçiriləcək. Festivala hazırlıq işləri tamamlanmaq üzrədir. Artıq festivalın keçiriləcəyi şəhərin mərkəzi Heydər Əliyev xatirə parkı bayram libasında, lənkəranlılar bayram ovqatındadır. Xüsusi dizaynerlərin quruluş verdiyi pavilyonlarda bu diyarın insan zəhməti ilə ərsəyə gəlmiş nemətləri və bu nemətlərdən hazırlanmış cənub mətbəxi nümunələri həm sərgilənəcək, həm də festifal iştirakçılarına təqdim olunacaq.

Nələr təqdim olunacaq? Bax, bunları xırdalamırıq, özünüz gəlin,görün! Xan Lənkəran qonaqpərvərliklə yolunuzu gözləyir.

19 dekabr saat 11-də festival start götürəcək.

Esmira İsmayılova

Lənkəran