Salyanda inkubator sexi kül oldu - Foto

Bu gün Salyan rayonunun Yuxarı Xalac kəndində yanğın olub.

AzNews.az Virtualaz.org-a istinadən xəbər verir ki, kənd sakini Nazim Orucova məxsus inkubator sexində qəfil yanğın baş verib. Yanğın nəticəsində inkubator avadanlıqları və tikililər yanaraq yararsız vəziyyətə düşüb.

Yanğın, hadisə yerinə gəlmiş Fövqəladə Hallar Nazirliyinin yanğınsöndürənləri tərəfindən lokallaşdırılıb və onun hansı səbəbdən törənməsi barədə araşdırmalara başlanılıb.