18:39
(077) 610-22-33

İşə qəbul üzrə imtahanların yekun nəticələri açıqlandı

  • >
418 5 Noyabr 2013 13:37 | Cəmiyyət

Səhiyyə Nazirliyi (SN) tabeliyində olan tibb müəssisələrinə həkimlərin mərkəzləşdirilmiş qaydada işə qəbuluna dair keçirdiyi imtahanların yekun nəticələrini açıqlayıb.

Nazirliyin mətbuat xidmətinin rəhbəri Anar Qədirli Trend-ə bildirib ki, dövlət səhiyyə müəssisələrinə həkimlərin işə qəbulu məqsədilə mərkəzləşdirilmiş imtahanda iştirak üçün 266 namizəd sənəd verib. Onların 195-i imtahana buraxılıb.

Həmin namizədlərin 133-ü müsabiqənin növbəti mərhələsinə - müsahibəyə buraxılıb. Müsahibələr yaxın günlərdə keçiriləcək.

Həkimlərin işə qəbulu üçün müsabiqə iki mərhələdə keçirilir. Müsabiqənin ilk mərhələsində - test imtahanı zamanı namizədlər ümumilikdə 50 suala cavab verirlər. Həmin sualların 40-ı sırf ixtisasla, 10-u isə müvafiq qanunvericiliklə bağlıdır. Test imtahanı nazirlik tərəfindən oktyabrın 22, 24, 29 və 31-də keçirilib.

Test imtahanında uğur qazanacaq namizədlər müsahibə mərhələsinə buraxılırlar. Bu mərhələ Səhiyyə Nazirliyinin işə qəbulla bağlı yaradılan 7 nəfərlik komissiyası tərəfindən həyata keçiriləcək.

Dövlət səhiyyə müəssisələrində 2000-ə qədər vakanat həkim yeri var. Həmin yerlərin çoxu regionlardakı səhiyyə müəssisələrinin payına düşür. Bakıdakı dövlət səhiyyə müəssisələrindəki vakant həkim yerlərinin sayı isə 60-dan çoxdur.

Qeyd edək ki, həkimlərin işə qəbulu məqsədi ilə ilk müsabiqə apreldə keçirilib. Həmin müsabiqənin müsahibə mərhələsinin nəticələrinə əsasən, 34 həkim işə qəbul edilib. Onların 10-u Bakıdakı, 24-ü isə rayonlardakı səhiyyə müəssisələrində vakant yerlərə işə qəbul olunublar.

AzNews.az
Bağla X